Gürcüstan, Tbilisi, 21 avqust /Trend, müxbir N.Kirsxaliya/
Gürcüstanın Baş naziri Nika Gilauri cümə günü hökumətin iclasında iyul ayına yekun vurub və ilin birinci yarısı üzrə iqtisadi artımın 5,5-6 faiz olduğunu qeyd edib. Onun sözlərinə görə, artım tendensiyası iyul ayında da saxlanılıb.
"Ötən ilin iyul ayı ilə müqayisədə bank depozitləri 44 faiz artıb. Depozitlərin həcmi 3,9 milyard dollardan çox olub ki, bu da Gürcüstan üçün rekord göstəricidir. Avtomobillərin qeydiyyatı göstəricisi 34 faiz, ƏDV ödəyicilərinin sаyı isə 25 faizdən 28 faizədək artıb", - Baş nazir bildirib.