Azərbaycan, Bakı, 31 avqust /Trend, müxbir A.Axundov/
İyulda Bakının avtomobil bazarında bu mövsüm üçün xarakter olmayan passivlik müşahidə olunub. Bu barədə "Əmlak Bazarı İştirakçıları" İctimai Birliyinin məlumatında deyilir.
"Bakının avtomobil bazarında son 4 ay ərzində müşahidə olunan passiv tendensiya təklifin artımı hesabına daha da dərinləşərək bağlanan əqdlərin dinamikasına və qiymətlərinə mənfi təsir göstərib", - məlumatda deyilir.
İyulda çoxlu sayda köhnə maşınların daxil olması ilə əlaqədar olaraq, bazarda təklifin kəskin aşağı düşməsi müşahidə edilib (11,5 faiz).
Əqdlərin bağlanması dinamikası bazara müraciətlərin azalması səbəbindən 2,7 faiz azalıb.
İyulda avtomobilin orta qiyməti 1,5 faiz azalaraq may ayındakı 15380 dollara nisbətdə 15150 dollar təşkil edib.
Bazarda müşahidə olunan passivlik may ayında avtomobillərin ekspozisiya müddətinin artmasına səbəb olub. Ekspozisiya müddətinin artmasına, eyni zamanda, əmlakın bu növü üzrə dövlət tərəfindən qəbul edilən bəzi qərarlar, əmlak növü kimi avtomobilə olan marağın azalması səbəb olub, bu isə əmlakın bu növü üzrə risk dərəcəsini artırıb. Avtomobillərin likvidlik əmsalı son üç illə müqayisədə ən aşağı həddə düşüb.
Avtomobil bazarında araşdırma predmeti olan 7450-dən artıq avtomobilin 35,8%-i bazara məhz mayda təklif olunub. Qalan 64,2% isə əvvəlki aylardan qalan avtomobillərdir. Əvvəlki iki ay ərzində köhnə avtomobillərin bazara kütləvi axın tendensiyası mayda bir qədər stabilləşib.
Üç ildir ki, təkrar bazarda liderliyi böyük fərqlə əldə saxlayan məşhur alman markası "Mercedes-Benz"in təklif üzrə payı əvvəlki ayla müqayisədə 8,8% artıb. Bu markanın ümumi portfeldə payı 37,2%-dir.