Azərbaycan, Bakı, 6 dekabr /Trend, müxbir N.İsmayılova/
Noyabrın 1-də manatla depozitlərdə orta faiz dərəcələri oktyabrın 1-əki 11,21 faizə və 2009-cu ilin noyabrın 1-dəki 11,91 faizə qarşı 10,98 faiz təşkil edib. Bu barədə Azərbaycan Mərkəzi Bankından (AMB) bazar ertəsi məlumat verilib.
Xarici valyutada depozitlər üzrə orta faiz dərəcələri müvafiq olaraq 10,41 və 10,89 faizə qarşı 10,5 faiz təşkil edib.
Noyabrın 1-nə fiziki şəxslərin manatla depozitləri üzrə orta faiz dərəcələri oktyabrın 1-dəki 12,1 faizə və 2009-cu ilin noyabrın 1-dəki 13,21 faizə qarşı 11,96 faiz təşkil edib. Fərdi müştərilərin xarici valyutada depozitləri üzrə orta faiz dərəcələri müvafiq olaraq 12,08 və 12,59 faizə qarşı 12,16 faizə bərabər olub.
Noyabrın əvvəlinə hüquqi şəxslərin manatla depozitləri üzrə orta faiz dərəcələri 6,5 faiz təşkil edib. Bu göstərici oktyabrın 1-də 6,02 faiz və 2009-cu il noyabrın 1-də 7,05 faiz olub. Korporativ müştərilərin xarici valyutada depozitləri üzrə orta faiz dərəcələri müvafiq olaraq 5,58 və 5,81 faizə qarşı 5,72 faiz təşkil edib.
