Azərbaycan, Bakı, 16 dekabr /Trend, müxbir V.Javoronkova/
Düşənbə və Bakını birləşdirəcək yeni aviareys 2011-ci ilin fevral-mart aylarında açılacaq. Bu barədə Trend-ə cümə axşamı Tacikistanın Azərbaycandakı səfiri Zokir Vazirov deyib.
Diplomatın sözlərinə görə, qarşılıqlı razılığa əsasən, yeni Bakı-Düşənbə-Bakı aviareysi gələn il açılacaq. Hazırda "Tacikistan Hava Yolları" ilə "Azərbaycan Hava Yolları" QSC arasında müqavilənin imzalanması gözlənilir.
Tacikistan və Azərbaycan arasında hava nəqliyyatı haqqında hökumətlərarası saziş 2007-ci ilin martında Azərbaycan Prezidenti İlham Əliyevin Tacikistana səfəri zamanı imzalanıb. Bundan əvvəl Düşənbə və Bakı arasında birbaşa reysin açılması 2008-ci ilin sonunda gözlənilirdi.
