Azərbaycan, Bakı, 17 yanvar /Trend, müxbir İ.Xəlilova/
2010-cu ildə Azərbaycan xarici ölkələrdən (MDB ölkələri istisna olmaqla) 4,544 milyard dollar həcmində mal idxal edib ki, bu da ölkə idxalının ümumi həcminin 68,86 faizini təşkil edir. Bu barədə bazar ertəsi Dövlət Gömrük Komitəsindən (DGK) məlumat verilib.
Uzaq xarici ölkələrdən Azərbaycana avadanlıq və mexaniki qurğular (ümumi idxalın 26,19 faizi), quru nəqliyyat vasitələri (9,34 faiz), elektrik maşınları və avadanlıqları, onların hissələri (9,59 faiz), qara metaldan məmulatlar (8,21 faiz), şəkər və qənnadı məmulatları (3,99 faiz) gətirilib.
Göstərilən dövrdə Azərbaycandan uzaq xarici ölkələrə 19,34 milyard dollar məbləğində (ölkədə ixracın 90,69 faizi) mal ixrac olunub.
Əsasən mineral yanacaqlar, neft məhsulları, bitum mineralları (ümumi ixracın 97,87 faizi), qara metallar (0,4 faiz), təbii və süni yetişdirilmiş mirvari, qiymətli və yarımqiymətli daşlar, qiymətli metallar, eləcə də bahalı metallarla cilalanmış adi metallar, onlardan hazırlanmış məmulatlar, bijüteriyalar, sikkələr (0,43 faiz), polimer materiallar və onlardan hazırlanmış məmulatlar (0,34 faiz), şəkər və qənnadı məmulatları (0,13 faiz) ixrac olunub.
Uzaq xarici ölkələrlə idxal-ixrac əməliyyatları zamanı 14,796 milyard dollar məbləğində müsbət saldo yaranıb.
