...

İranın Biləsuvar sərhəd keçid məntəqəsindən portfel ticarətinin həcmi artıb

Biznes və iqtisadiyyat xəbərləri Materials 2 Fevral 2011 17:53 (UTC +04:00)

Trend-i buradan izləyin

Azərbaycan, Bakı, 02 fevral /Trend, müxbir T.Cəfərov/

İranın Biləsuvar sərhəd keçid məntəqəsindən portfel ticarətinin həcmi 300 faiz artıb. Bunu İranın Ərdəbil əyalətinin Gömrük idarəsinin direktoru Əli Əsğər Abbaszadə deyib. Bu barədə Trend İranın İranın FARS xəbər agentliyinə istinadən məlumat verir.

Abbaszadənin sözlərinə görə, cari ilin ötən 10 ayı ərzində (İranda il martın 21-də dəyişir) Biləsuvar sərhəd keçid məntəqəsindən 7700 ton məhsulu  (portfel ticarəti olaraq) ölkədən ixrac olunub. "İxrac olmuş məhsulun dəyəri 6.63 milyon dollar təşkil edir", -deyə Abbaszadə deyib.

Onun sözlərinə görə, həmin müddət ərzində 570 000 nəfər Biləsvar sərhəd keçid məntəqəsindən gediş-gəliş edib ki, bu ötən ilin analoji dövrü ilə müqayisədə 110 faiz artıb.

Abbaszadə cari ilin ötən 10 ay ərzində Biləsuvar gömrüyündən 11000 ton (62.5 milyon dollar) həcmində məhsulun ixrac olundugunu və eyni müddət ərzində 39000 ton məhsul (58.5 milyon dollar) idxal olunub.

O həmçinin  ötən ilin 10 ay ərzində 76 000 ağır və yüngül avtomobilin Biləsuvar sərhəd keçid məntəqəsindən gediş-gəliş etdiyini bildirib.

İran Azərbaycan vətəndaşları üçün viza rejimini birtərəfli qaydada ləğv edib və 2010-cu ilin fevralın 1-dən etibarən, İrana gedən Azərbaycan vətəndaşlarından viza tələb olunmur.

Xəbər lenti

Xəbər lenti