Azərbaycan, Bakı, 8 fevral/Trend, müxbir Ü.İsmayılova/
Azərbaycan Maliyyə Nazirliyi sığorta bazarının xarici peşəkar iştirakçılarının reyestrnin aparılması qaydalarını sərtləşdirib.
İştirakçıların reyestri Azərbaycan Maliyyə Nazirliyi nəzdində Dövlət Sığorta Nəzarəti Xidməti tərəfindən aparılır. Sığortaçılar və sığorta vasitəçiləri iştirakçılar reystrnə sığorta xidmətlərinin göstərilməsi ilə bağlı lisenziyanı aldıqdan sonra daxil edilirlər.
Qaydalara edilən dəyişikliklərə və əlavələrə əsasən, bazar iştirakçıları reystrə daxil olmaq üçün aşağıdakı sənədləri təqdim etməlidirlər:
- hüquqi şəxslərin dövlət qeydiyyatı haqda şəhadətnamə, notarilal qaydada təsdiq edilən ofis binasından istifadəni təsdiq edən əsasnamə və sənəd;
- xarici sığortaçılar və brokerlər üçün ölkənin rezidenti olduğu və dövlət qeydiyyatı və müvafiq xidmətlərin göstərilməsi hüququnu təsdiq edən müvafiq dövlət orqanı tərəfindən verilən sənəd, eləcə də "Standard & Poors", "Moody's Investors Service", "Fitch" və ya "A.M. Best" reytinqinin olmasını təsdiq edən sənəd;
- Müstəqil ekspertlər qismində çıxış edən Azərbaycanda daimi yaşayan əcnəbi fiziki şəxslər pasportun surətini, Azərbaycanın vergi orqanlarında qeydiyyatdan keçməsi haqqında şəhadətnaməni (90 günə qədər Azərbaycanda fəaliyyətlərini həyata keçirməli olan rezident olmayanlar üçün pasportun yalnız surəti).
Qaydalara 2.1.7 və 2.1.8 bəndləri də daxil edilib. Bəndlərə əsasən, sığorta brokerləri qismində çıxış edən əcnəbi fiziki şəxslər yerli qanunvericiliyə uyğun olaraq pasportun surətini, sığorta brokeri fəaliyyətini həyata keçirməyi təsdiq edən rezident ölkənin aidiyyəti dövlət orqanının sənədini, eləcə də öz ölkəsində vergiödəyicisi qismində fiziki şəxsin qeydiiyat faktını təqdim etməlidirlər.
Reyestrə daxil olmaq istəyən nümayəndəliklər və Azərbaycanın hüquqi şəxslərinin filialları notarial qaydada ofis binasından istifadəni təsdiq edən sənədi, eləcə də hüquqi şəxsin dövlət qeydiyyatı haqda sənədi təqdim etməlidirlər.
