Azərbaycan, Bakı, 16 fevral /Trend, müxbir N.İsmayılova/
Azərbaycan Bank Tədris Mərkəzi (ABTM) yeni fəaliyyət strategiyası çərçivəsində sığorta şirkətləri üçün maarifləndirmə proqramlarının aparılmasına hazırlaşır. Bu barədə çərşənbə günü Trend-ə mərkəzin direktoru Cavanşir Abdullayev deyib.
"İndi sığorta şirkətləri menecment mövzusu üzrə xidmətlərimizdən istiafdə edirlər, lakin sığorta üzrə ayrıca məhsullar və bazarda sığortaçıları daima öyrədən mərkəz yoxdur. Buna görə də bazarın ilkin təhlilini apararaq, biz qərara gəldik ki, buna ehtiyac var, çünki sığorta şirkətləri əsasən bankların törəmə şirkətləri olurlar", - Abdullayev qeyd edib.
Onun sözlərinə görə, bu ildən etibarən ABTM sığorta şirkətlərinə aktuarilərin hazırlanması, tibbi sığorta, KASKO kimi məhsulları üzrə bəzi proqramlar təklif edir.
"Məlum olduğu kimi, Maliyyə Nazirliyi sığorta agentlərinin sertfikatlaşdırılmasını aparır və biz də sığorta agentlərinin hazırlanmasında iddialıyıq", - o qeyd edib.
Ötən ilin iyulunda qəbul edilən ABTM-in strategiyası cari ilin əvvəlində təsdiq edilib.
Azərbaycanda 27 sığorta və bir təkrar sığorta şirkəti fəaliyyət göstərir.
