İranda cari ilin 11 ayı ərzində (İranda il martın 21-də dəyişir) özəl şirkətlər tərəfindən 3,9 milyon ton polad istehsal olunub. Bu barədə Trend İranın İRNA agentliyinə istinadən məlumat verir.
Məlumata görə, istehsal olunmuş polad məhsullarını əsasən armatur və dəmir təbəqələr təşkil edib. Ötən 11 ay ərzində dəmir külçələrin də istehsalı 60 faiz artıb.
FARS agentliyinin Sənaye və Mədənlər Nazirliyinə istinadən verdiyi məlumata əsasən, İranda cari ildə polad istehsalı 9,5 faiz artımla 11,9 milyon tona çatacaq. Ötən ilində bu rəqəm 10,87 milyon ton təşkil edib.