Azərbaycan, Bakı, 17 may /Trend, müxbir A.Axundov/
Apreldə Azərbaycan Dövlət Gömrük Komitəsi (DGK) dövlət büdcəsinə gömrük rüsumları və vergilərin yığımı sayəsində 100,227 milyon manat ödəyib. Bu barədə çərşənbə axşamı DGK-nın saytında dərc edilən məlumatda bildirilib.
Apreldə gömrük rüsumlarından daxilolmalar 22,761 milyon manat, idxal edilən malların əlavə dəyər vergisindən 71,108 milyon manat, aksizlərdən 5,379 milyon manat, yol vergisi üzrə 0,979 milyon manat təşkil edib.
2011-ci il üçün DGK xətti ilə ödəmələrin proqnozu 1,8 faiz artırılaraq (20 milyon manat) 1,120 milyard manata çatdıırlıb. Yanvar-apreldə ödənişlər 340,797 milyon manat olub.
Ötən il DGK proqnozu 100,16 faiz yerinə yetirərək dövlət büdcəsinə planlaşdırılan 1,1 milyard manat əvəzinə 1 101,73 milyon manat köçürüb.
Mayın 17-nə olan rəsmi məzənnə 0,7905 AZN/USD təşkil edir.