Gürcüstan, Tbilisi, 17 iyun /Trend, müxbir N.Kirsxaliya/
İyunun 18-dən etibarən "Airzena" aviaşirkəti Batumi-Bakı-Batumi istiqaməti üzrə reyslərə başlayacaq. Bu barədə cümə günü Trend-ə Acarıstanın turizm departamentindən məlumat verilib.
Məlumata əsasən, iyunun 18-də Bakıdan ilk reyslə Batumiyə 100-dən çox turist gedəcək.
Azərbaycan turistləri üçün müxtəlif ekskursiyalar planlaşdırılıb.
Batumi-Bakı-Batumi istiqaməti üzrə uçuşlar həftədə 3 dəfə - bazar ertəsi, çərşənbə və şənbə günü yerinə yetiriləcək.
Bir istiqamət üçün uçuşun qiyməti 199 avrodur.
