Azərbaycan, Bakı, 17 iyun /Trend/
TRACECA (Avropa - Qafqaz - Asiya) nəqliyyat dəhlizi çərçivəsində 2012-ci ildə keçiriləcək ikinci İnvetisiya Forumuna təqdim edilməsi üçün 12 investisiya layihəsi seçilib. Trend-in məlumatına görə, bu barədə "Şərq tərəfdaşlığı" proqramının məlumatında deyilir. Trend-in məlumatına görə, bu barədə "Şərq tərəfdaşlığı" proqramının məlumatında deyilir.
Bu layihələr TRACECA-nın Milanda keçirilən sonuncu iclası çərçivəsində seçilib. Nəqliyyat sahəsində regional əməkdaşlıq proqramı üçün qalan prioritet layihələr forumda broşür və stendlər vasitəsilə təqdim ediləcək.
Milanda keçirilən iclas zamanı TRACECA-nın müxtəlif regionlarından 39 investisiya layihəsi, o cümlədən Mərkəzi Asiyadan 16, Qafqaz regionundan və Türkiyədən 13, Cənub Şərqi Avropadan 10 layihə təqdim edilib.
Milanda görüş zamanı nəqliyyat dəhlizinin iştirakçı ölkələri 2021-ci ilədək dənizdə təhlükəsizlik və ətraf mühitin təhlkükəsizliyi və qorunması üzrə regional fəaliyyət strategiyasını, quru nqəliyyatın təhlükəsizliyinin artırılması və TRACECA dəhlizi çərçivəsində ümumi təhlükəsizliyi müzakirə ediblər.
TRACECA (Avropa - Qafqaz - Asiya) nəqliyyat dəhlizi çərçivəsində ikinci İnvestisiya Forumu 2012-ci ilin fevralında Brüsseldə keçiriləcək.
TRACECA-nın ilk İnvestisiya Forumu 2010-cu ildə Brüsseldə keçirilib.
TRACECA Aİ və Şərqi Avropa, Cənubi Qafqaz və Mərkəzi Asiyada tərədaş ölkələri arasında nəqliyyat sahəsində beynəlxalq əməkdaşlıq proqramıdır. Təşkilatın Bakıda daimi katibliyi var.
Hazırda TRACECA-nın iştirakçı dövlətləri Azərbaycan, Bolqarıstan, Gürcüstan, Qazaxıstan, Qırğızıstan, Ermənistan, Moldova, Rumıniya, Tacikistan, Türkmənistan, Türkiyə, Ukrayna və İrandır.
