...

Azərbaycan il ərzində pambıq ixracını təxminən iki dəfə artırıb

Biznes və iqtisadiyyat xəbərləri Materials 20 İyun 2011 18:47 (UTC +04:00)

Trend-i buradan izləyin

Azərbaycan, Bakı, 20 iyun /Trend, müxbir A.Axundov/

Yanvar-mayda Azərbaycan 4,342 milyon dollar məbləğində toxumdan təmizlənmiş pambıq ixrac edib. Bu, ötən ilin analoji dövr göstəricisini 93,3 faiz ötür və ixracın ümumi həcminin 0,04 faizini təşkil edir. Bu barədə bazaar ertəsi Trend-ə Dövlət Gömrük Komitəsindən məlumat verilib.

Məlumata əsasən, ilk beş ayda Azərbaycanın ixracının çox hissəsi - 85,91 faizi xam neft ixracının payına düşüb. Yanvar-mayda 9,091 milyard dollar məbləğində xam neft ixrac olunub. Bu, ötən ilin analoji dövr göstəricisini 30,27 faiz ötür.

Hesabat dövrü ərzində 575,098 milyon dollar məbləğində (il ərzində 9,73 faiz artım) neft məhsulları ixrac edilib. Bu, ölkənin ümumi ixracının 5,43 faizini təşkil edir.

Bundan başqa, 32,751 milyon dollar məbləğində kimya məhsulları (62,63 faiz artım, ümumi ixracda payı 0,04 faiz), 4,647 milyon dollarlıq tütün və tütün məmulatları (96 faiz artım, ümumi ixracda payı 0,05 faiz), 85,284 milyon dollar məbləğində qara metallar və onlardan hazırlanan məmulatlar (80,47 faiz artım, ümumi ixracda payı 0,81 faiz), 2,035 milyon dollar məbləğində alümin və ondan hazırlanan məmulatlar (49,33 faiz artım, ümumi ixracda payı 0,02 faiz), 39,767 milyon dollar məbləğində meyvə və tərəvəz (50,24 faiz artım, ümumi ixracda payı 0,38 faiz), 5,696 milyon dollar məbləğində alkoqollu və alkoqolsuz içkilər (16,73 faiz azalma, ümumi ixracda payı 0,05 faiz), 89,555 milyon dollar məbləğində bitki yağları və heyvan yağları (11,78 faiz artım, ümumi ixracda payı 0,85 faiz) ixrac olunub.

Yanvar-may ərzində Azərbaycanın ixrac əməliyyatları 10,583 milyard dollar təşkil edib. Bu, 2010-cu ilin analoji dövr göstəricisi ilə müqayisədə 29,43 faiz çoxdur.

İdxal 3,49 milyad dollar təşkil edib. Bu, 2010-cu ilin analoji dövrü ilə müqayisədə 45,06 faiz çoxdur.

Bu müddət ərzində ölkənin mal dövriyyəsinin ümumi həcmi 14,073 milyard dollar təşkil edib. Bu, ötən ilin analoji dövr göstəricisini 32,98 faiz ötür.

Xarici ticarət əməliyyatlarında 7,093 milyard dollar məbləğində müsbət saldo yaranıb.

Xəbər lenti

Xəbər lenti