...

Azərbaycan humanitar sahədə inqilabi dəyişikliklər həyata keçirir - millət vəkili

Biznes və iqtisadiyyat xəbərləri Materials 11 Oktyabr 2011 16:53
Bakıda Beynəlxalq Humanitar Forumun keçirilməsi əhəmiyyətli hadisədir, çünki bu gün Azərbaycan humanitar sahədə inqilabi dəyişikliklər həyata keçirir.
Azərbaycan humanitar sahədə inqilabi dəyişikliklər həyata keçirir - millət vəkili

Trend-i buradan izləyin

Azərbaycan, Bakı, 11 oktyabr /Trend, müxbir N.İsmayılova/

Bakıda Beynəlxalq Humanitar Forumun keçirilməsi əhəmiyyətli hadisədir, çünki bu gün Azərbaycan humanitar sahədə inqilabi dəyişikliklər həyata keçirir. Trend-in məlumatına görə, bu barədə çərşənbə axşamı Azərbaycan Dövlət İqtisad Universitetinin rektoru Şəmsəddin Hacıyev jurnalistlərə bildirib.

"XXI əsr: ümidlər və çağırışlar" devizi ilə Bakı Beynəlxalq Humanitar Forumu oktyabrın 10-11-də keçirilir.

"Dünya birliyində Azərbaycanın təcrübəsini öyrənməyə maraq var. Bu gün biz iqtisadi inkişafın humanitar aspektlərini müzakirə edirik və bir sıra maraqlı suallara cavab vermək niyyətindəyik", - Milli Məclisin Elm və təhsil komitəsinin sədri Şəmsəddin Hacıyev deyib.

O bildirib ki, Forumun yekunları üzrə bəyannamə qəbul ediləcək. Sənəddə dünya iqtisadiyyatında baş verən bütün proseslər, iqtisadi və humanitar inkişaf, növbəti minilliyin çağırışları yer alacaq.

Şotland iqtisadçı, 1996-cı ildə "İnfofrmasiya asimmetriyası sahəsində araşdırmaya görə" Nobel mükafatı laureatı Ceyms Mirlisin sözlərinə görə, Azərbaycan iqtisadiyyatı Çin iqtisadiyyatına bənzəyir, çünki bir çox sahələr çox yüksək templə inkişaf edir.

Xəbər lenti

Xəbər lenti