Azərbaycan, Bakı, 7 dekabr /Trend, müxbir N.İsmayılova/
Beynəlxalq Maliyyə Korporasiyası (BMK) Azərbaycanda dövlət-özəl tərəfdaşlığı əsasında ilk layihənin maliyyələşdirilməsini planlaşdırır. Bu barədə çərşənbə günü Trend-ə korporasiyanın Azərbaycandakı nümayəndəsi Aliyə Əzimova məlumat verib.
"Hazırda biz real sektorda bir neçə layihənin, eləcə də dövlət-özəl tərəfdaşlığı əsasında layihənin mlaiyyələşdirilməsi imkanlarını nəzərdən keçiririk. Hesab edirik ki, buna zərurət var və belə praktika Azərbaycan üçün yenidir", - Əzimova deyib.
Onun sözlərinə görə, dövlət-özəl tərəfdaşlığı əsasında layihənin infrastruktur sahəsində reallaşdırılması mümkündür. Lakin bununla bağlı danışıqlar hələ ilkin mərhələdədir.
