...

Azərbaycanda artıq borclanma ilə mübarizə çərçivəsində məlumatların təhlili başlayıb

Biznes və iqtisadiyyat xəbərləri Materials 19 Dekabr 2011 16:44 (UTC +04:00)

Trend-i buradan izləyin

Azərbaycan, Bakı, 19 dekabr /Trend, müxbir N.İsmayılova/

Azərbaycan Mikromaliyyə Assosiasiyası (AMFA) artıq borclanma ilə mübarizə çərçivəsində iki layihə üzrə məlumatların toplanmasını başa çatdırıb. Bu barədə bazar ertəsi Trend-ə AMFA-nın icraçı direktoru Jalə Hacıyeva bildirib.

"Sabah işçi qrupunun məlumatların toplaması üzrə işi başa çatacaq, bundan sonra onların yanvar ayında başa çatacaq təhliləri aparılacaq. Güman edirəm ki, yanvarın sonuna qədər layihələr üzrə ilkin məlumatlara malik olacağıq", - Hacıyeva deyib.

İlk layihə 4 regional mərkəzi əhatə edir - Şəki, Lənkəran, Bakı və Gəncə. Burada assosiasiya bir regionda fəaliyyət göstərən bir neçə təşkilatlarda aktiv kreditlərə malik müştərilər haqqında məlumat toplayır. Şəkidəki araşdırmalar 11 təşkilatı əhatə edib. Bu gün Lənkəranda 15 təşkilat, Bakı və Gəncənin hər birində isə təxminən 20 təşkilat barədə məlumat toplanır.

İkinci təşəbbüs EFSE (Cənub-Şərqi Avropa üçün Avropa Fondu) tərəfindən maliyyələşdirilir, texniki xidməti isə Polşa Mikromaliyyə Mərkəzi göstərir. Bu araşdırma 1100 nəfəri əhatə edəcək ki, onlar da ölkənin 60 regionunda mikromaliyyə təşkilatların müştəriləridir. Belə araşdırmalar Bosniya və Herseqovinada keçirilib. Azərbaycan belə araşdırmaların keçirildiyi üçüncü ölkə olub. Beynəlxalq təşkilatlar mikromaliyyə təşkilatlarının rolu və onların ölkədə artıq borclanma vəziyyətini nə dərəcədə yaxşılaşdıra bilmələri kontekstində tövsiyələri müəyyənləşdirməkdə kömək edəcək.

Sentyabrın sonuna mikromaliyə təşkilatlarının vaxtı ötmüş (30 günə qədər) kreditlərinin onların kredit portfelinin ümumi həcmindəki payı 2 faiz (16 minə qədər), mikromaliyyə fəaliyyəti ilə məşğul olan banklarla birlikdə isə 3 faiz təşkil edib.

Assosiasiyanın 27 üzvü var.

Xəbər lenti

Xəbər lenti