Azərbaycan, Bakı, 3 fevral /Trend/
Bakı-Gəncə marşrutu üzrə aviareys əlverişsiz hava şəraiti səbəbindən ləğv olunub. Bunu cümə günü Trend-ə Heydər Əliyev Beynəlxalq Hava Limanında bildiriblər.
J2 239 nömrəli reys yerli vaxtla saat 09:55 yola düşməli idi.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan daha əvvəl Trend-ə verilən məlumata görə, Bakıda şaxtalı hava şəraiti fevralın 5-dək hökm sürəcək.