Azərbaycan, Bakı, 16 aprel /Trend, A.Axundov/
2011-ci ildəki fəaliyyətin yekunları üzrə Azərbaycanın "Alfa Sığorta" sığorta şirkətinin aktivləri ötən ilin əvvəlinə (5,573 milyon manat) qarşı 43,55 faiz artaraq 8 milyon manat təşkil edib. Trend-in məlumatına görə, bu barədə bazar ertəsi şirkətin rəsmi mətbuatda dərc edilən balans hesabatında deyilir.
Sığorta şirkətinin maliyyə hesabatlılığının auditini "Kaspian Konsaltinq" şirkəti aparıb.
2011-ci ilin sonunda şirkətin uzunmüddətli aktivləri il ərzində 21,86 faiz azalaraq 1,387 milyon manat, qısamüddətli aktivləri isə illik 74,1 faiz artımla 6,616 milyon manat təşkil edib.
2011-ci ildə pul vəsaitlərində və onların ekvivalentlərində 5,6 milyon manat, depozit hesablarda 2,97 milyon manat yığılıb.
2011-ci ilin yekunları üzrə "Alfa Sığorta" şirkətinin ödənilmiş nizamnamə kapitalı 4,75 milyon manat səviyyəsində olub, 2010-cu ilin sonunda bu rəqəm 3,1 milyon manat təşkil edib.
Şirkət 2011-ci ili 3,39 milyon manat həcmində xalis gəlirlə başa çatdırıb.
Ötən ilin sonuna şirkətin məcmu kapitalı 2010-cu illə müqayisədə 53,57 faiz artaraq 6 milyon manat təşkil edib.
Şirkətin nizamnamə öhdəlikləri 15,15 faiz artaraq 1,98 milyon manat, ümumilikdə kapital və öhdəliklər isə 43,55 faiz artımla 8 milyon manat təşkil edib.
Ötən ilin yekunları üzrə şirkətin gəlirləri 3,18 milyon manat, xərcləri 2,08 milyon manat olub.
