Azərbaycan, Bakı, 25 iyun /Trend, müxbir A.Axundov/
Azərbaycanın Ümumdünya Ticarət Təşkilatına (ÜTT) daxil olması üzrə çoxtərəfli danışıqların növbəti - X raundu iyulun sonuncu həftəsində keçirilə bilər. Bu barədə bazar ertəsi Trend-ə xarici işlər nazirinin müavini, danışıqlar qrupunun rəhbəri Mahmud Məmmədquliyev bildirib.
"Hələlik dəqiq tarix müəyyənləşməyib, lakin danışıqların növbəti raundunun iyulun sonuncu həftəsində keçirilməsi mümkündür", - Məmmədquliyev deyib.
Onun sözlərinə görə, ÜTT-nin işçi qrupu ilə görüş çərçivəsində, həmçinin təşkilatın üzv ölkələri ilə ikitərəfli danışıqların keçirilməsi planlaşdırılır.
"Hazırda ABŞ Azərbaycan ilə ikitərəfli danışıqların keçirilməsi üçün istəyini bildirib", - nazir müavini vurğulayıb.
