Azərbaycan, Bakı, 28 sentyabr /Trend, müxbir A.Tağıyeva/
2012-ci il oktyabrın 4-5-də Naxçıvan Muxtar Respublikasında keçiriləcək türkdilli dövlətlərin gömrük xidmətləri rəhbərlərinin görüşündə Türkiyəni gömrük və ticarət nazirinin müavini Ziya Altunyaldız təmsil edəcək. Bu barədə cümə günü Trend-ə Türkiyə Gömrük və Ticarət Nazirliyindən bildiriblər.
Azərbaycanın Dövlət Gömrük Komitəsindən cümə günü Trend-ə verilən məlumata görə, Naxçıvanda türkdilli dövlətlərin gömrük xidmətləri rəhbərləri Şurasının ilk iclası baş tutacaq.
Nazirlikdən bildiriblər ki, oktyabrın 4-də gömrük orqanları ekspertlərinin, oktyabrın 5-də təşkilat ölkələrinin gömrük rəhbərlərinin görüşü keçiriləcək.