Azərbaycan, Bakı, 18 oktyabr /Trend, müxbir A.Axundov/
Bakıda və Abşeron yarımadasında 1991-93-cü illərdə yaranan qeyri-mütəşəkkil qəsəbələrin tutduğu ərazi 10 min hektarı ötür. Trend-in məlumatına görə, bu barədə Dövlət Şəhərsalma və Arxitektura Komitəsinin sədri Abbas Ələsgərov cümə axşamı Bakıda MDB ölkələrinin Tikinti fəaliyyətində əməkdaşlıq üzrə Hökumətlərarası Şurasının 34-cü iclasında çıxışı zamanı bildirib.
"Böyük Bakı" regionunun şəhərsalma planlaşdırılması məsələlərinin aktuallığı bu gün hər şeydən əvvəl iqtisadi inkişafın əhəmiyyətli templəri ilə yanaşı, ərazi və demoqrafik artımla bağlıdır. Həm də son illərdə "Böyük Bakı"da əhalinin miqrasiyasının artması regionda əhalinin təbii artımına bərabər olub. Bütün bunlar bu ərazidə şəhərsalma planlaşdırılmasının və torpaqdan istifadə sisteminin üzərinə böyük məsuliyyət qoyur", - Ələsgərov deyib.
Onun sözlərinə görə, layihə ərazisi Azərbaycanın ümumi sahəsinin cəmi altı faizini tutur, amma ölkənin ümumdaxili məhsulunun bütün həcminin təqribən 85 faiz onda cəmlənib. Həmçinin, bu ərazidə Azərbaycanın bütün əhalisinin 36 faizdən çoxu cəmlənib.
"Həmçinin, regionda torpaq və mühəndislik infrastrukturları kimi müsbət fəaliyyətin prosesinə mənfi təsir edən əhəmiyyətli amil qısa müddət ərzində "Böyük Bakı"nın ərazisinə xeyli sayda qaçqın və mühacirlərin köçürülməsidir. Ekspertlərin ilkin hesablamalarına əsasən, 1991-93 illərdə yaranmış qeyri-mütəşəkkil qəsəbələrlə tutulan ərazi 10 min hektarı ötür", - Ələsgərov deyib.
Bu gün idarə sisteminin inkişafı müasir mərhələdə şəhərsalma planlaşdırılmasının ən əhəmiyyətli məsələlərindən biridir.
"Bizim vəzifəmiz yaratmaqdır və qabaqcıl, o cümlədən, kosmik texnologiyalardan istifadə etməklə torpaqdan istifadə prosesinin idarəetmə mexanizmlərinin təkmilləşdirilməsidir", - Ələsgərov deyib.
Onun sözlərinə görə, həmçinin, bu günün vəzifəsi müasir mərhələdə ekoloji və iqtisadi prioritetləri, əhalinin artmasını və regionun əhəmiyyətini nəzərə alaraq, şəhərin düzgün, elmi cəhətdən əsaslandırılmış istiqamətdə inkişafıdır.
"Şəhərsalmanın vəzifələri hər şeydən əvvəl vətəndaşların həyat səviyyəsinin yaxşılaşdırılmasıdır. Bu, eləcə də rahat tikinti mühitinin yaradılması, bütün ərazidə ekoloji vəziyyətin yaxşılaşdırılması, mühəndislik təminatının dünya standartlarına cavab verməsi, müasir sərnişin nəqliyyatının təkmilləşdirilməsi və s.-dir", - o qeyd edib.
