Azərbaycan, Bakı, 24 oktyabr /Trend, müxbir C.Nəsibova/
Dünya Bankının (DB) layihə qrupunun rəhbəri Mesker Mulatın başçılıq etdiyi missiya Azərbaycanda təhsilin inkişafı üzrə ikinci layihənin icmalı məqsədi ilə Bakıya gələcək. Bu barədə Trend-ə çərşənbə günü DB-nin Bakı nümayəndəliyindən bildiriblər.
Missiya layihənin həyata keçirilməsinin monitorinqini aparmaq məqsədilə bu il oktyabrın 27-dən noyabrın 3-dək ölkədə olacaq. Səfər çərçivəsində, həmçinin müxətlif qurumlarda görüşlərin keçirilməsi planlaşdırılır.
2008-ci ilin aprelində təsdiq edilən bu layihənin dəyəri 45,4 milyon təşkil edir ki, bu vəsaitdən DB-nin kreditinin payına 25 milyon dollar düşür.
2012-ci il oktyabr ayına olan məlumata görə, DB-nin ayırdığı vəsaitdən 11,7 milyon dolları istifadə edilib. Layihənin tamamlanması 2014-cü ilin martın 31-nə planlaşdırılıb.