Azərbaycan, Bakı, 4 dekabr /Trend, müxbir A.Axundov/
Asiya İnkişaf Bankı (AİB) ölkədə yol tikintisi üçün yeni multitranş maliyyələşdirilməsi (MFF) çərçivəsində birinci tranş üzrə kredit sazişi layihəsini (Second Road Network Development Investment Program - Yol şəbəkəsinin inkişafı üçün ikinci investisiya proqramı) Azərbaycan hökumətinə təqdim edib.
Bu barədə çərşənbə axşamı Trend-ə bankın ölkədəki nümayəndəliyinin rəhbəri Olli Noroyono deyib.
"Biz kredit sazişinin layihəsini hökumətə təqdim etmişik və imzalanma üçün onların dəvətini gözləyirik. Bizim tərəfdən hər şey edilib", - Noroyono qeyd edib.
