Azərbaycan, Bakı, 7 yanvar /Trend, müxbir A.Axundov/
"Unibank" 2013-cü ildə ölkənin bank sistemində gözlənilən təmərküzləşmə proseslərində iştirak məsələsini nəzərdən keçirmir. Bu barədə bazar ertəsi Trend-ə bankın İdarə Heyətinin sədri Faiq Hüseynov bildirib.
"Bizdə kapitallaşma normaldır, məcmu kapital 60 milyon manata yaxın səviyyədədir. Yəni əgər kapitallaşma normaldırsa, onda təmərküzləşmə və ya birləşmə mövcud banka nə isə yeni bir şey verməlidir. Biz bu və ya digər bankın alınmasının potensial olaraq bankımıza nə əlavə edəcəyini bilmirik", - Hüseynov deyib.
Onun fikrincə, Azərbaycanda güclü kapital bazasına malik 10-12 bank da birləşmək, yaxud bazarda hansısa bankı almaq məsələsinə baxmır.
Mərkəzi Bankın məlumatına görə, bu gün kapitallaşma ilə bağlı yeni tələblərə ölkənin bank sektorunun aktivlərinin 89 faizini əhatə edən banklar uyğun gəlir.
