Azərbaycan, Bakı, 29 yanvar /Trend, müxbir A.Axundov/
"ZQAN Holding"in tərkibinə daxil olan "Qarant Invest" broker şirkəti fəaliyyətini dayandırıb. Bu barədə çərşənbə axşamı Trend-ə holdinqin İdarə Heyətinin sədri Vaqif Həsənov deyib.
Şirkətin əsas fəaliyyəti beynəlxalq maliyyə bazarlarına investisiya yatırılması sahəsində müştərilərə vasitəçilk xidmətlərinin göstərilməsindən ibarət olub.
"Qiymətli kağızlar bazarıbda fəal iştirak edəcəyəmizi güman edirdik və buna görə də həmin şirkəti yaratdıq. Ötən il ərzində investisiyalar yatırmışıq və bazarı öyrənmişik. Lakin ötən ilin sonuncu rübündə şirkətin ləğv edilməsi barədə qərar qəbul etdik. Hazırda prioritetimizin kənd təsərrüfatı sahəsi olduğunu nəzərə alsaq, maliyyə sektorunda iştirakımızı azaltmaq qərarına gəldik", - Həsənov qeyd edib.