Azərbaycan, Bakı, 18 mart /Trend, müxbir A.Axundov/
Asiya İnkişaf Bankı (AİB) Mərkəzi Asiya Regional İqtisadi Əməkdaşlıq (CAREC) proqramı çərçivəsində CAREC-ə üzv ölkələrin gömrük və sərhəd xidmətlərinin yüksək vəzifəli nümayəndələri üçün treninq keçirəcək. Trend-in məlumatına görə, bu barədə bazar ertəsi AİB-in yaydığı məlumatda deyilir.
"From Baku to Ceyhan...Overland: Examining Integrated Trade Facilitation in Action 'at the border' and 'behind the border'" mövzusunda seminar aprelin 9-12-də Tbilisidə keçiriləcək.
Tədbir CAREC bölgəsində ticarətin sadələşdirilməsi və regional inteqrasiyaya dəstək məqsədilə keçirilir. Treninq iştirakçılara malların sərhəddən səmərəli daşınması, həmçinin CAREC regionundakı insanlara çatdırılması üçün yeni texnologiyaların tətbiqi və institusional islahatların aparılması zərurətini daha yaxşı anlamağa kömək edəcək.
