...

Azərbaycanda kərpic istehsalı müəssisəsi investisiya müsabiqəsinə çıxarılıb

Biznes və iqtisadiyyat xəbərləri Materials 6 İyul 2013 11:59 (UTC +04:00)

Trend-i buradan izləyin

Azərbaycan, Bakı, 6 iyul/Trend, müxbir A. Axundov/

Əmlak Məsələləri Dövlət Komitəsi (ƏMDK) "İmişli-Kərpic" ASC-nin səhmlərinin 30,01 faizinin satışına dair investisiya müsabiqəsi elan edib. Trend-in məlumatına görə, bu barədə şənbə günü "Mülkiyyət" qəzetində dərc edilən məlumatda deyilir.

Məlumata görə, müsabiqədə Azərbaycanın fiziki və hüquqi şəxsləri, həmçinin xarici investorlar iştirak edə bilərlər.

İddiaçılar investisiya proqramını, investisiya təklifinin dəyərinin 5 faiz hissəsi qədər bank zəmanətini, həmçinin dövlət büdcəsinə 45 min manat ödənilməsi üzrə təklif təqdim etməlidirlər. Fikrinin ciddi olduğunu təsdiq etmək üçün iddiaçı istənilən bankın 15 min manat məbləğində zəmanət məktubunu təqdim etməlidir.

İnvestisiya proqramı kərpic və ya digər sənaye mallarının istehsalı, zəruri avadanlığın alınması və quraşdırılması üzrə təklifdən ibarət olmalıdır.

2013-cü il iyunun 1-nə olan məlumata görə, "İmişli-Kərpic" ASC-nin nizamnamə kapitalı 434,89 min manat təşkil edir, bu məbləğə hər birinin nominal dəyəri 2 manat olan 217,4 min səhm buraxılıb. Müsabiqənin predmeti ümumi nominal dəyəri 130,5 min manat olan 65 266 səhmdir.

İyunun 1-nə olan vəziyyətə görə, müəssisənin kredit borcu 8,6 min manatdır. ASC-nin debitor borcu 999 manatdır.

İddiaçılar ASC-nin özəlləşdirmə planı (emissiya prospekti) ilə tanış olmaq və investisiya müsabiqəsi haqqında əlavə məlumat əldə etmək üçün 6 avqust 2013-cü il tarixinədək iş günləri saat 10:00-dan 17:30-dək aşağıdakı ünvana müraciət edə bilərlər: Bakı şəhəri, Y. Səfərov küçəsi, 20.

İddiaçıların ərizə və təkliflərinin qəbulu 6 avqust 2013-cü il tarixinədək iş günləri saat 10:00-dan 17:30-dək bu ünvanda aparılacaq: Bakı şəhəri, Y. Səfərov küçəsi, 20.

Müsabiqə komissiyası tərəfindən müsabiqə təkliflərinin qiymətləndirilməsi ƏMDK-nin inzibati binasında 7 avqust 2013-cü il saat 15:00-dan başlayaraq həyat keçiriləcək.

Məqalədə:
Xəbər lenti

Xəbər lenti