...

“AtaBank” ASC-nin lotereya kampaniyasında 35 695 manat pul mükafatı qazanılıb

Biznes və iqtisadiyyat xəbərləri Materials 28 Oktyabr 2013 10:35 (UTC +04:00)
“AtaBank” ASC-nin keçirdiyi "Nağdsız ödə, nağd qazan" ani stimullaşdırıcı lotereya kampaniyasında qalan lotoreya biletlərinin sayı 10 193 ədəd təşkil edir.
“AtaBank” ASC-nin lotereya kampaniyasında  35 695 manat  pul mükafatı qazanılıb

Azərbaycan, Bakı, 28 oktyabr /Trend/

"AtaBank" ASC-nin 1 mart 2013-cü il tarixindən start verdiyi "Nağdsız ödə, nağd qazan" ani stimullaşdırıcı lotereya kampaniyasının başladığı müddət ərzində 19 801 ədəd lotoreya bileti paylanılmış və uduş kampaniyasında iştirak edən müştərilərin lotoreya biletləri əsasında 35 695 AZN pul mükafatı qazanılıb. Bu barədə bazar ertəsi bankdan Trend-ə daxil olan məlumatda deyilir.

"AtaBank" ASC-nin keçirdiyi "Nağdsız ödə, nağd qazan" ani stimullaşdırıcı lotereya kampaniyasında qalan lotoreya biletlərinin sayı 10 193 ədəd təşkil edir.

Qeyd edək ki, lotereya kampaniyası 01 mart 2013-ci il tarixindən 31 dekabr 2013-ci il tarixinədək davam edəcəkdir. Lotereyada "AtaBank" ASC tərəfindən ticarət, ictimai-iaşə və ya xidmət obyektlərində quraşdırılmış POS-terminallar vasitəsilə Azərbaycanda fəaliyyət göstərən istənilən bank tərəfindən emissiya edilən ödəniş kartları ilə nağdsız əməliyyatlar aparan fiziki şəxslər iştirak edə bilərlər. Ani stimullaşdırıcı lotereyada təqvim ayı ərzində ümumilikdə 20 manat məbləğində əməliyyatlar aparan kart istifadəçiləri iştirak hüququ əldə edirlər.

Kampaniyada iştirak etmək üçün lotereya kuponlarını əldə etmək lazımdır. Ani stimullaşdırıcı lotereya kuponlarının əldə edilməsi üçün ödəniş kart istifadəçisi təqvim ayı ərzində "AtaBank" ASC-nin POS-terminallar şəbəkəsində, nağdsız aparılmış əməliyyatlar üzrə çekləri toplayaraq bankın istənilən filial və ya şöbəsinə müraciət etməlidir. Ödəniş kart istifadəçisi təqdim edəcəyi hər 20 manat məbləğində olan çeklər üçün bir ani stimullaşdırıcı lotereya kuponu əldə edir. Kampaniyada maksimal məbləği 1000 manat olmaqla minlərlə uduşlar vardır. Əlavə edək ki, kampaniyanın keçirilməsində məqsəd bank ölkədə nağdsız ödənişlərin stimullaşdırılması sahəsində aparılan tədbirləri sürətləndirməkdir. Hazırda, "AtaBank" AC-nin pos terminallarının sayı 10 000-ə yaxındır.

POS-terminalların siyahısı - http://atabank.com/?sid=430.

Ani stimullaşdırıcı lotereyanın şərtləri və qaliblər haqqında məlumatlar mütəmadi olaraq www.atabank.com internet səhifəsində, sosial şəbəkələrdə (www.facebook.com/atabank, twitter.com/AtaBank_ASC) və kütləvi informasiya vasitələrində işiqlandırılacaq.

Məqalədə:
Xəbər lenti

Xəbər lenti