Azərbaycan, Bakı, 22 noyabr /Trend/
"AGBank" Azərbaycanda 31 oktyabr - Beynəlxalq Əmanətlər Günü münasibətilə keçirilən tədbirlərə qatılıb.
Azərbaycan Mərkəzi Bankının təşəbbüsü ilə Azərbaycan Banklar Assosiasiyası, Almaniya Əmanət Banklarının Beynəlxalq Əməkdaşlıq Fondu və Əmanətlərin Sığortalanması Fondunun dəstəyi ilə keçirilən tədbirlər noyabr ayı ərzində davam edir.
Noyabrın 20-də "AGBank" ASC-nin nümayəndələri Bakı şəhərində 20 saylı məktəbi ziyarət edib, şagirdlərə əmanətlər barədə ətraflı məlumat verib və Beynəlxalq Əmanət Gününü əks etdirən hədiyyələr təqdim ediblər.
Qeyd edək ki, Beynəlxalq Əmanət Günü ilk dəfə 1924-cü ilin oktyabr ayında İtaliyanın Milan şəhərində 29 ölkənin nümayəndələrinin Beynəlxalq konqresində qeyd olunub.
