Azərbaycan, Bakı, 14 oktyabr /Trend, müxbir Maksim Tsurkov/
2015-ci ildə Azərbaycan Vergilər Nazirliyinin xətti ilə dövlət büdcəsinə 7,11 milyard manat (ümumi daxilolmaların 36,6 faizi) daxil olacağı proqnozlaşdırılır ki, bu da cari ilin proqnozunu 10 milyon manat (0,1 faiz) üstələyir.
Trend-in məlumatına görə, bu barədə Maliyyə Nazirliyinin dərc etdiyi gələn il üçün Azərbaycanın dövlət və icmal büdcələri layihələrinin təqdimatında deyilir.
Bununla yanaşı, 4,81 milyard manat və ya 67,7 faizini qeyri-neft sektorundan daxilolmalar təşkil edəcək ki, bu da 2014-cü ilin proqnozları ilə müqayisədə 512 milyon manat və ya 11,9 faiz çoxdur. Neft sektorundan daxilolmalar 2,3 milyard manat səviyyəsində proqnozlaşdırılır (vergi daxilolmalarının 32,3 faiz xüsusi çəkisi ilə).
Əlavə dəyər vergisi üzrə daxilolmaların xüsusi çəkisi vergi yığımlarının ümumi həcminin 33 faizini, mənfəət vergisi üzrə 31 faiz, gəlir vergisi üzrə 13,8 faiz, aksiz vergisi üzrə 8 faiz, digər vergilər üzrə isə 14,2 faiz təşkil edəcək.
