Azərbaycan, Bakı, 27 oktyabr /Trend/
"Rabitabank"ASC-nin səhmdarlarının qərarı ilə Elçin Qədimov bankın İdarə Heyətinə yeni sədr təyin edilib.
E.Qədimovun bazar ertəsi Trend-ə verdiyi məlumata görə, müvafiq qərar ötən həftənin sonlarında "Rabitabank"ın səhmdarlarının ümumi toplantısında qəbul edilib.
Elçin Qədimov 2006-cı ildən bankın İdarə Heyəti sədrinin müavini vəzifəsini tutub. Oktyabrın əvvəlində İdarə Heyətinin əvvəlki sədri Nikoloz Şurqainin müqaviləsinin vaxtı bitib və o vəzifəsindən gedib. Bundan sonra E.Qədimov sədrin səlahiyyətlərinin icraçısı təyin edilib.
