Təfərrüatlar əlavə olunub (ilk xəbər saat 11:22-də yayılıb)
Bakı. Azad Həsənli - Trend:
2016-cı ilin iyun-iyul aylarında Neftçala sənaye məhəlləsinin yaradılması üzrə işlər başa çatacaq.
Trend-in məlumatına görə, bu barədə jurnalistlərə iqtisadiyyat nazirinin müavini Niyazi Səfərov deyib.
Onun sözlərinə görə, Neftçala sənaye məhəlləsində orta və kiçik sahibkarlıq subyektlərinin fəaliyyəti üçün hər cür şərait yaradılacaq: "İqtisadiyyat Nazirliyi artıq ikinci sənaye məhəlləsinin yaradılması üzrə qiymətləndirmə işləri aparır".
