Təfərrüatlar əlavə olunub (ilk xəbər saat 11:47-də yayılıb)
Bakı. Maksim Tsurkov - Trend:
Çinin "China Southern" aviaşirkəti bu il iyulun 3-dən Bakı-Urumçi-Quançjou istiqaməti üzrə reysləri həyata keçirməyə başlayacaq.
Trend-in məlumatına görə, bunu Bakıda "China Southern"in nümayəndəsi Çin Lixon təqdimat mərasimində deyib.
Onun sözlərinə görə, Urumçi və Quançjou vasitəsilə Şençjen, Şanxay, Xançjou, Yivu, Sinqapur, Manila və Banqkok kimi şəhərlərə getmək olar.
Reys həftədə iki dəfə - çərşənbə və bazar günləri reallaşdırılacaq. Bakıdan uçuş sat 23:05-də, Urumçiyə eniş yerli vaxtla saat 07:00-da, Quançjouya isə saat 14:35-də.
Bakı-Urumçi-Bakı marşrutu üzrə biletlərin qiyməti (vergi nəzərə alınmadan) 260 avro, Bakı-Quançjou-Bakı üzrə 280 avro, Bakı-Şençjen-Bakı üzrə 280 avro, Bakı-Şanxay-Bakı üzrə 260 avro, Bakı-Xuançjou-Bakı üzrə 260 avro, Bakı-Yivu-Bakı üzrə 280 avro, Bakı-Pekin-Bakı üzrə 180 avro, Bakı-Sinqapur-Bakı üzrə 340 avro, Bakı-Manila-Bakı üzrə 300 avro və Bakı-Banqkok-Bakı üzrə 300 avro olacaq.