Bakı. Ənvər Məmmədov – Trend:
Azərbaycanın "Mətanət-A" şirkəti İranda gips istehsalı zavodu tikməyi planlaşdırır.
Trend-in məlumatına görə, bunu İranın Azərbaycandakı səfiri Möhsün Pakayin Azərbaycan-İran biznes forumunda deyib.
O bildirib: "Biz şirkət nümayəndələri ilə görüş keçirdik və bu məsələ üzrə razılığa gəldik".
İranın sənaye, mədən və ticarət nazirinin müavini Cəfər Sərqeyni deyib ki, şirkət İranda fəaliyyət üçün lisenziya əldə edib.