Bakı. Maksim Tsurkov - Trend:
Bu ilin sonuna qədər Transxəzər beynəlxalq nəqliyyat marşrutunun (TBNM) Qazaxıstan ərazisində qeydə alınmaqla “hüquqi şəxsləri birliyi” formasında beynəlxalq assosiasiyasının yaradılması planlaşdırılır.
Trend-in məlumatına görə, bunu Bakıda keçirilən "Strateji Tərəfdaşlıq 1520: Dünyanın dörd tərəfini birləşdirən Xəzər regionu" biznes-forumunda “Qazaxıstan Dəmir Yolları” Səhmdar Cəmiyyətinin əməliyyat fəaliyyətinin əlaqələndirilməsi üzrə vitse-prezidenti Sanjr Elyubayev deyib.
Onun sözlərinə görə, TBNM-in inkişaf prinsipləri xidmətlərin təyinat nöqtəsinə çatdırılmasına, eləcə də tarif dərəcələrinin bütünlüyünə, bütün inzibati prosedurların sadələşdirilməsinə, qarışıq yükdaşımaların vahid tarif-nəqliyyat qaiməsi üzrə reallaşmasına əsaslanır.