2005-ci ilin yanvar-iyun ayları ərzində Bakı Fond birjasının yekun dövriyyəsi 799 398 248 411 manat təşkil edib, 2004-cü ilin yanvar-iyul aylarında isə bu göstərici 132 535 255 700 manat olub. BFB-dən Trend ə bildirildiyi kimi, 2004-cü il ərzində birja dövriyyəsi 467 354 495 643 manat təşkil edib.
Bu dövr ərzində Milli Bankın notlarının yerləşdirilməsinin həcmi340 612 925 300 manat olub. Notlar üzrə təkrar bazarın dövriyyəsi 56 652 506 200 manat təşkil edib.
Maliyyə Nazirliyinin DQİ-nin yerləşdirilməsinin həcmi 63 390 518 200 manata bərabər olub. 2004-cü ilin 7 ayı ərzində bu göstərici 59 301 503 900 manat təşkil edib. DQİ üzrə təkrar bazarında 999 589 800 manat məbləğində əqdlər bağlanılıb (2004-cü ilin yanvar-iyul aylarında DQİ üzrə təkrar bazarda dövriyyə 6 380 354 500 manata bərabər idi).
Səhmlərin yerləşdirilməsinin həcmi 119 994 295 000 manat olub. 2004-cü ilin yanvar-iyul aylarında səhmlərin yerləşdirilməsinin həcmi 9 793 086 000 manat təşkil edib. Bu dövr ərzində səhmlər üzrə təkrar bazarda əqdlərin həcmi 17 208 806 702 manat təşkil edib (2004-cü ilin yanvar-iyun ayları üzrə göstərici -2 029 644 300 manat idi).
Bu dövr ərzində korporativ istiqrazların yerləşdirilmələrinin həcmi 1 510 000 000 manat olub (2004-cü ilin yanvar-iyun aylarında 54 829 067 000 manat məbləğində olan istiqrazlar yerləşdirilib). Təkrar bazarda əqdlərin həcmi 4 396 744 665 manat təşkil edib. Keçən ilin yanvar-iyul aylarında bu göstərici 201 600 000 manat təşkil edib.
2005-ci ilin yanvar-iyul ayları ərzində 194 632 862 244 manat məbləğində notlar üzrə repo-əməliyyatlar keçirilib.