Gələn il dövlət borcunun ÜDM-ə nisbəti dəyişməyəcək. Hökumətdən Trend ə bildirildiyi kimi, hazırda ölkədə dövlət borcunun həcmi $1,5 milyarda bərabərdir. Onun ÜDM-ə nisbəti isə 14,6% səviyyəsindədir.
Gələn il Azərbaycan dövlət borcunun 100 mln dollar məbləğini ödəməyi planlaşdırır. Bunun 150 mlrd manatı dövlət büdcəsindən ayrılacaq.
Lakin 2006-cı ildə bir sıra iri layihələrin həyata keçirilməsi ilə bağlı planlarla əlaqədar dövlət borcunun ümumi həcmi artmaqdadır. ÜDM-in planlaşdırılmış 30% artımı ilə bağlı dövlət borcunun ÜDM-ə nisbəti isə əvvəlki səviyyədə qalır.
