"Aqrolizinq" ASC bir aydan sonra kəndli və fermerlərə xidmət göstərməyə hazırlaşır. Bu barədə cəmiyyətdən Trend xəbər agentliyinə məlumat verilib. Verilən məlumata görə, buna baxmayaraq hələ də cəmiyyət bazalarla təmin olunmayıb.
Bazaların olmaması texnikaların qəbulunda çətinliklər yaradır. Nazirlər Kabinetinin qərarı ilə isə İqtisadi İnkişaf Nazirliyinə tapşırılmışdı ki, 20 günədək cəmiyyətə 4 bina ayrılsın. Ancaq indiyədək bu problem həll olunmayıb.
Ümumilikdə Naxçıvan Muxtar Respublikası da daxil olmaqla ASC-yə 11 baza binası ayrılmalıdır. Təklif olunan bəzi yerlər isə qaneedici deyil. Çünki həmin yerlərdə yenidən böyük tikinti işləri aparmaq lazımdır. Halbuki, texnikanı saxlamaq üçün anbarlar, qapalı yerlər lazımdır.
...
