İlkin məlumatlara əsasən, AR Dövlət Gömrük Komitəsi (DGK) 2005-ci ilin 10 ayı ərzində 1 trln. 408 mlrd. 230 mln. manat əvəzinə gömrük ödəmələri və vergilər olaraq dövlət büdcəsinə 1 trln. 511 mlrd. 800 mln. manat köçürərək proqnozu 107,35% yerinə yetirib.
Trend in məlumatına əsasən, DGK-nin noyabrın 1-də yaydığı məlumatda bu göstəricinin ötən ilin analoji dövrü ilə müqayisədə 460 mlrd. 750 mln. manat yaxud 43,84% çox olduğu qeyd olunur.
2004-cü ildə DGK tərəfindən idxal-ixrac əməliyyatlarında gömrük ödəmələri və vergilər olaraq dövlət büdcəsinə 1 trln. 301 mlrd. 570 mln. manat köçürülüb.
Azərbaycan Milli Bankının məlumatına əsasən, 01.11.05 tarixindən etibarən dolların manata nisbətdə rəsmi məzənnəsi 4597 AZM. təşkil edib.
