2006-cı ilin yanvarından AZAL Dövlət Konserni (DK) Naxçıvan Muxtar Respublikasına müntəzəm reyslərin sayını artırmaq niyyətindədir. Bu barədə Trend ə DK-dən məlumat verilib. "Hzarıda Bakı-Naxçıvan marşrutu üzrə 4 müntəzəm reys həyata keçirilir və yeni ildən onlarıns ayı 6-ya çatdırılacaq. Biz eləcə də, tələbatdan asılı olaraq 5-ə yaxın əlavə reysi də həyata keçirəcəyik. 2006-cı ilin yanvarından , tələbat yaranarsa, biz bu marşrut üzrə 10 uçuş həyata keçirə bilərik", -deyə DK-nin nümayəndəsi bildirib.
Uçuşlar 149 və 72 yerlik TU-154 və TU- 134 təyyarələri ilə həyata keçiriləcək. "Baxmayaraq ki, biz Xarkov Dövlət Aviasiya müəssisəsi (Ukrayna) istehsalı olan AN-140-100 təyyarələrinə də malikik. Lakin onlar NMR-na uçuşların həyata keçirilməsi üçün səmərəli deyil. Muxtar respublikanın relyefi bu tip təyyarələrdən istifadə etməyə imkan vermir", - deyə AZAL-ın nümayəndəsi bildirib.
