Azərbaycanda təhsilin inkişafı Fondu yaradılacaq. Trend bildirir ki, dekabrın 22-də Azərbaycan-Türkiyə iş adamları Birliyinin (ATIB) sədri Əhməd Erentok bu barədə bildirib.
Onun sözlərinə görə, bir ildən çoxdur layihə üzərində işlər aparılır. "Layihənin istiqamətlərindən biri İnternetin köməyilə təhsildir. Bundan başqa, biz müxtəlif video-tədris vəsaitlərinin buraxılmasını təmin etmək niyyətindəyik" -deyə o qeyd edib.
Ə.Erentok bildirib ki, hazırda layihə müvafiq hökumət orqanlarına və ictimai təşkilatlara təqdim olunub. "Fondun yaradılmasında biz beynəlxalq təcrübədən istifadə etmək niyyətindəyik. Hesablamalara görə, bu layihənin gerçəkləşdirilməsinə $100 min tələb olunur. Bu vəsaitlərin təmin edilməsi üçün biz beynəlxalq tərəfdaşlara müraciət etmişik" -deyə o qeyd edib.
