Bu gün Fitch Ratings reytinq agentliyi xarici və milli valyutada Azərbaycanın suveren reytinqini BB səviyyəsində (2004-cü ildə olduğu kimi), "sabit" proqnoz kimi təsdiqləyib.
Vergilər Nazirliyindən Trend ə verilən məlumata görə, ötən həftə hesabatın layihəsi baxılmaq üçün Azərbaycan tərəfinə təqdim edilib və onun belə tez təsdiqlənməsi maliyyəçiləri çox təəccübləndirib.
Azərbaycan tərəfi hesab edir ki, verilən reytinq reallığı əks etdirmir. İqtisadiyyatın bütün sahələrinin inkişafına təsir edən ÜDM-un indiki artım sürətində reytinq plankası ən azı VV+ səviyyəsində olmalı idi. Bunun nəticəsində agentliyin ekspertlərindən ona yenidən baxılması xahiş olunub.
Fitch Ratings məlumatında ölkənin sürətli iqtisadi artım və ixracın həcminin artımı göstərilir. Agentliyin eksperntləri belə hesab edirlər ki, bu tendensiya Azərbaycanın reytinqinin artmasına və suveren kredit ödəmə qabiliyyətinin gəloəcəkdə yaxşılaşmasına imkan verəcək.
Bundan əlavə, Azərbaycanın suveren reytinqini dəstəkləyən amillər respublikada iri neft və qaz yataqlarının işlənməsi və inkişafının davam etdirilməsi, eləcə də dövlət və xarici borcların əmsalının ən aşağı göstəriciləri ola bilər. ÜDM-da dövlət borclarının səviyyəsi 15% qiymətləndirilir ki, bu da VV reytinqi üçün orta qiymətdən aşağıdır. Agentliyin məlumatında bildirilir ki, Azərbaycan hökuməti mümkün sarsıntılar zamanı ciddi ehtiyatları təmin edərək demək olar ki, 1,3 mlrd dollar həcmində Neft fondunu formalaşdıra bilib və bu da respublikada ÜDM-un 10% -dən çoxunu təşkil edir.
Neft sənayesinin qısamüddətli inkişaf perspektivləri əvvəlki kimi tam müsbət qalır. Azəri-Çıraq-Günəşli (AÇG) neft yatağının və Şahdəniz qaz yatağının mənimsənilməsi üzrə layihələrin reallaşdırılması aparılır. AÇG yatağından neft hasilatının həcmi sürətlə artır və 2005-cı ildə bu yataqda neft hasilatı sutkada 400 barel təşkil edir. 2010-cu ilə kimi ölkədə neft hasilatının həcminin sutkada 1,2 mln barelə çatacağı gözlənilir.
