Bakı fond birjasının (BFB) proqnozuna görə, qiymətli kağızlar bazarının həcmi 2006-cı ildə 4 trln. manat olacaq. Bu barədə Trend ə BFB idarə heyətinin sədri Anar Axundov bildirib. Baxmayaraq ki, dövlət qiymətli kağızlar bazarı emitentlərin - AR Maliyyə Nazirliyi və Azərbaycan Milli Bankının (AMB) siyasətindən asılı olacaq.
Maliyyə Nazirliyi 2006-cı il ərzində yerləşdiriləcək 950 mlrd. manat həcmində dövlət qısamüddətli istiqrazlarının emissiya prospektini qiymətli kağızlar üzrə Dövlət Komitəsində artıq qeydiyyatdan keçirib.Belə böyük həcmdə buraxılış büdcə defisitinin örtülməsi üçün qoyulmuş 650 mlrd. manat məbləği ilə bağlıdır.
Maliyyə Nazirliyindən fərqli olaraq AMB 1 trln. manat səviyyəsində olan öz qiymətli kağızlarını (notlar) tədavüldə dəstəkləmək niyyətindədir.
Korporativ istiqrazlar bazarında da 2005-ci ildə üç buraxılışa qarşı buraxılışların sayının müvafiq olaraq təxminən 10-12-dək artırılması planlaşdırılır və həcm artırılmalıdır.
Korporativ aksiyalar bazarında irəliləyiş özəlləşdirmə prosesinin fəallaşdırılmasından da asılıdır. Qiymətli kağızlar üzrə Dövlət Komitəsi özəlləşdirilən müəssisələrdə dövlət payının alqı-satqı əməliyyatlarının bir hissəsini Bakı Fond Birjasına keçirməyi təklif edir. QKDK-nin sədri Gündüz Məmmədov bildirib ki, digər dövlət orqanlarına da bu təkliflər barədə xəbərdarlıq edilib və hazırda vəziyyətin təhlili üzrə iş aparılır. O, hesab edir ki, 5-dən 30% -dək kiçik paketlər birjada reallaşdırıla bilər, böyük paket isə tələb olunmaya bilər. Açıq satış həm də qiymət artımına kömək edəcək. Hər halda son qərar hökumət verəcək.