Martın ortalarında Rusiyanın Hesablama Palatası aparatının rəhbəri Sergey Şahrayın Bakıya səfəri planlaşdırılır. Azərbaycanın Hesablama Palatasının sədri Namiq Nəsrullayevin Trend ə verdiyi məlumata görə, Rusiya HP-nin rəhbəri hər iki ölkənin ali audit orqanlarının birgə kollegiyasının planını hazırlayır. "Keçən il Moskvada təşkil olunmuş kollegiya iyunda Bakıda keçiriləcək" - deyə o bildirib.
Belə görüşlərdə auditorlar adətən qarşıdakı ildə həll etmək üçün tapşırıqları müəyyən edir. AHP 2006-cı ilin planına rusiyalı auditorlarla Xəzərin ekologiyası üzrə birgə işin təşkil olunması ilə bağlı məsələni daxil edib. Bu tədbirlərə qazaxıstanlı həmkarların da qoşulması planlaşdırılır.
"İlk dəfə olaraq problemləri və bu məsələlərin maliyyələşdirilməsində dövlətin rolunu göstərəcək işlər həyata keçiriləcək", - deyə N.Nəsrullayev qeyd edib.