2006-cı ilin I rübündə Azərbaycan Dövlət Dəmir Yolu İdarəsi 5,1 mln ton yük daşıyıb ki, bu da plandan 890,2 min ton çoxdur.
Trend in xəbər verdiyi kimi, bu barədə ADDYİ-nin aprelin 11-də yayılmış press-relizində deyilir. Bu dövr ərzində 4 mln ton neft və neft məhsulu daşınıb.
Gündəlik neftdoldurma nəzərdə tutulan 662,1 vaqona qarşı 735,5 vaqon və ya 111% təşkil edib. 2005-ci ilin analoji dövrü ilə müqayisədə yük daşımanın həcmi 1884,6 min ton artıb.
Lokomotivlərin məhsuldarlıq planı 110,8% yerinə yetirilib. Yük qatarının orta çəkisi 2149 ton olub ki, bu da ötən ilin analoji dövrü ilə müqayisədə 49 ton çoxdur.
Tarif yük dövriyyəsi planı 129% yerinə yetirilib. Bu isə ötən illə müqayisədə 697,5 min ton-km çoxdur.
Hesabat dövründə 1,3 mln nəfər sərnişin daşınıb və 4 mln manat gəlir əldə olunub.