"Azəri-Çıraq-Günəşli" yatağında hasilatla məşğul olan Azərbaycan Beynəlxalq Əməliyyat Şirkətinin (ABƏŞ) xarici səhmdarlarından mənfəət vergisi üzrə tutulmalar 2006-cı ildə 600 mln. manat səviyyəsində olacağı gözlənilir. Trend in verdiyi məlumata görə, bu barədə mayın 11-də jurnalistlərə maliyyə nazirinin müavini Azər Bayramov məlumat verib.
Bu vəsaitin 2005-ci ildə qalığı nəzərə alınmaqla alınacağı planlaşdırılır. Belə ki, elə şirkətlər var ki. 2005-ci ilin 4-cü rübündən gəlirlə işləməyə başlayıb. "Neftin qiymətinin dinamikasından asılı olaraq, daxilolmaların həcmi fərqli olacaq. Bir barelin qiyməti $50 hesablanmaqla daxilolmaların 400 mlnö manat olacağı gözlənilir", - deyə A.Bayramov qeyd edib.
Apreldən ABƏŞ-in xarici səhmdarları dövlət büdcəsinə mənfəət vergisi ödənilməyə başlayıb və daxilolmalar artıq 213 mln. manatı keçib. 2005-ci ilin yekunlarına görə, tutulmalar demək olar ki, 94 mln. manat, 2006-cı ilin I rübündə isə 120 mln. manat təşkil edib.
