"Hazırda Qazaxıstan neftinin nəqlində iştirak etmək istəyən çoxlu şirkət var. İran neftin onun ərazisindən keçməsini istəyir, Rusiya da bunda maraqlıdır. Bu, bazardan asılıdır". Bu barədə Trend ə Xəzər Dəniz Gəmiçiliyi İdarəsinin rəisi Aydın Bəşirov bildirib.
"Lakin dəqiq demək olar ki, 20 mln. ton Qazaxıstan nefti Bakı-Tbilisi-Ceyhan boru kəmərilə Azərbaycan ərazisi vasitəsilə nəql olunacaq" - deyə A.Bəşirov qeyd edib.
Hazırda Xəzər Dəniz Gəmiçiliyi Qazaxıstanın BTC vasitəsilə nəql etmək istədiyi neftin hamısını daşımaq iqtidarındadır. Yaxın vaxtlarda Azərbaycanla Qazaxıstan arasında nəqliyyat sazişi ilə bağlı danışıqlar başlanacaq. "Burada neftin nəqlində iştirak edəcək tərəfləri müəyyənləşdirmək ehtimal olunur. Çox ehtimal ki, bu, Azərbaycan və Qazaxıstan gəmiçilik idarələri olacaq" - deyə o qeyd edib.
