TRACECA nəqliyyat dəhlizi çərçivəsində işçi qrupunun İstanbulda keçirilən görüşü zamanı nəqliyyat dəhlizinin əsas prioritetləri müzakirə olunub. Bu barədə Trend ə TRACECA-nın Azərbaycan üzrə milli katibi Akif Mustafayev bildirib.
TRACECA-nın daimi katibliyinin yeni strukturu da müzakirə predmeti olub. Xüsusilə, ekspertlər qrupu gücləndirilib və multimodel daşımalar və digər əlaqəli məsələləri həll etməli olacaq ekspert qrupunun rəhbəri vəzifəsi təyin olunub. Bundan əlavə, hava, dəniz və yerüstü daşımalar üzrə ekspertlər vəzifələri yaradılıb.
Nəqliyyat dəhlizinin 2015-ci ilə qədər inkişaf strategiyasına və TRACECA-nın beynəlxalq təşkilata çevrilməsi mümkünlüyünə də toxunulub.