...

AtaHolding Azərbaycandan kənarda fəaliyyətini genişləndirir

Biznes və iqtisadiyyat xəbərləri Materials 25 İyul 2006 19:42 (UTC +04:00)

Ata Holding Azərbaycandan kənarda fəaliyyətini genişləndirmək haqqında planlarını açıqlayıb. Bu barədə Trend ə holdinqın Müşadidəçilər Şurasının sədri Ahmet Erentok bildirib. Onun bildirdiyinə görə, holdinqın ilk nümayəndəlikləri Gürcüstan və Türkiyədə yaradılıb.

Hazırda Rusiyada nümayəndəliklərin açılması istiqamətində hazırlıq işləri aparılır. İlk növbədə Moskvada, daha sonra isə Sankt-Peterburqda nümayəndəlik açmaq planlaşdırılır..

"Nümayəndəlik yaratmaqda məqsədimiz bu ölkələrin iqtisadiyyatına investisiya yatırmaq deyil. İlk növbədə qarşılıqlı ticarətin inkişafı, Azərbaycan məhsullarının ixracına diqqət veriləcək" - deyə holdinqın rəhbəri vurğulayıb.

Onun sözlərinə görə, bu gün Ata Trading-in vəzifəsi (holdinqın tərkibinə daxildir) Rusiya, Türkiyə və sair ölkələrlə ticarət əlaqələrini gücləndirməkdən ibarətdir. AtaTrading Koc Holding şirkətlər qrupu ilə danışıqlar aparır. Azərbaycanın ərzaq və kənd təsərrüfatı ilə bağlı hesabatı Koc Holding-ə göndərilib.

Növbəti strateji istiqamət turizm əlaqələrinin inkişafıdır ki, bu istiqamətdə də xarici dövlətlərlə qarşılıqlı investisiyalar mümkündür.

Xəbər lenti

Xəbər lenti