...

ACDI/VOCA ekspertləri Azərbaycanda ipoteka qanunvericiliyinin təkmilləşdirilməsi üzrə tövsiyyələri təqdim edib

Biznes və iqtisadiyyat xəbərləri Materials 11 Dekabr 2006 19:04 (UTC +04:00)

Bu gün Azərbaycan Milli Bankında ipoteka kreditləşməsi sisteminin təkmilləşdirilməsi məqsədilə mövcud qanunvericilikdə dəyişiklik və əlavələrə dair təkliflərin təqdimatı keçirilib. Bu barədə Trend xəbər verir. O, ABŞ Beynəlxalq İnkişaf Agentliyi (USAID) tərəfindən maliyyələşdirilən və ACDI/VOCA tərəfindən həyata keçirilən kiçik və orta sahibkarlığın dəstəklənməsi vasitəsilə maliyyə sektorunun inkişaf layihəsi çərçivəsində keçirilib. Bu layihə ACDI/VOCA və Azərbaycan ipoteka fondu arasında 25 aprel 2006-cı il tarixində imzalanmış niyyət memorandumu çərçivəsində reallaşdırılır.

Təqdimatda layihənin rəhbəri Fərid Baxşıyev bildirib ki, USAID və AİF-in əməkdaşlığı 2005-ci ilin sonunda başlayıb və fonda üç əsas istiqamətdə yardım göstərilir. Fəaliyyət xüsusilə AİF-in mühasibat hesabatının qiymətləndirilməsinə, fondun daxili fəaliyyətinin institusional inkişafına və hüquqi məsələlərdə dəstəyə yönəldilib.

Tədbirdə OMNI Consultants şirkətinin eksperti Elnur Məmmədov ipoteka haqqında mövcud qanunvericilikdə uyğunsuzluq və ziddiyyətlərlə bağlı təkliflər, tədavül və ipoteka isteqrazlarının emissiyası üçün qanunverici bazanın aparılmış təhlili haqqında məlumat verib.

O, ayrı-ayrı qanunlarda ipoteka sahəsində mövcud mexanizm və normaları dəyişməyi və Mülki məcəlləyə daxil etməyi təklif edib. Mövcud qanunverici baza ipoteka istiqrazları üzrə müvafiq əməliyyatların həyata keçirilməsi üçün imkan yaradır, qanunvericilikdə bəzi çatışmazlıqların ləğvi bu bazarın inkişafına təkan verəcək.

Xəbər lenti

Xəbər lenti